الحنوون
12-14-2008, 10:33 AM
السلسال في رقبة الرجال
قبل فترة قريبة من الزمن كنا نشاهد الأفلام الأجنبية ويلفت نظرنا بعض الممثلين اللي حاطين سلسال في رقبتهم فكان هذا الشي من الحاجات الغريبة بالنسبة لنا واحنا نتابع الفيلم وفي بعض الأحيان : نقول شف . شف الكافر الله يالله يقطع ابليسه لابسٍ سلسال مثل المرة ... طبعاً هذا الشي عن نفسي وعن كثير من الناس اللي أعرفهم ، هذا غير بعض المحافظين اللي يقوم ولا يتابع الفيلم بسبب الممثل اللي حاط سلسال برقبته ، وفي الواقع ان الشعور هذا ما جانا من فراغ وانما بسبب تربيتنا على العادات والتقاليد المتحفظة النابعة من تعاليم ديننا الحنيف .
المشكلة الآن ماصارت بالأفلام عند الغرب المشكلة صارت عندنا وبدت تنتشر بمجتمعنا بشكل ملفت للنظر .. وهذا بسبب الممثلين الخليجيين اللي طابين بسالفة السلسال بشكل مبتذل ولو إن الدور اللي يمثله ما يحتاج سلسال يعني بالعربي صار السلسال مثل العقال وشيء أساسي بالشخصية
شي اكيد إن الدراما تأثر بشكل ايجابي وسلبي وبهذي الثقافة اللي ظهرت علينا تفاجأت بشباب من أبناء الجزيرة والسلسال يبرق في رقابهم ..في الحقيقة أول ما شفتهم وأنا داخل أحد المجمعات التجارية بوسط الرياض تغير وجهي وبدافع الفضول قلت لنفسي خلني ادور عذر ووقفهم وأسألهم عن كوبري عتيقة ، أكيد إنهم يشبهون عيالنا بس ولا هم عرب أصلا !!؟ ناديت واحد منهم :أبو الشباب لو سمحت .. رد علي مرحبا أمرني .. استغربت !! من اللهجة وقلت لا تو اللهجة ما بينت معي وشفت ان كوبري عتيقة قريب وخفت يقول هذا كوبري عتيقة فكرت شوي وقلت أبا أسأله عن مكان أبعد : يعطيك العافية أبي توصف لي حي العزيزية . وما أمداني أخلص السؤال الا وقام يدهر ويقول : ( شف يالطيب بتظهر منا والى جاك مجمع الكباري فاطلع مع المخرج يسار وابتل الين يجيك النقل الجماعي على يمينك اهناك حي العزيزية ) .
ومن بعد ما خلص الوصف قلت في نفسي ياليتني ما سألته وياليتني حسبته أجنبي ودخلت اتقضى ..
وأول ما رجعت لبيتي أخذت الورقة والقلم وقلت خلني أكتب اللي حصل وأعرضه عليكم أخاف ان الدعوة بسيطة وانا اللي مكبر السالفة والا هذا الشي عادي عندكم ولا فيه مشكلة وانا ما تعودت عليه وعشان ما أدخل في التحليل والتحريم والمسائل الدينية أبي كل واحد اطلع على الموضوع يقول رأيه مع نفسه أو يناقشه مع اللي حوله ويشوف هذ الشي عادي والا لا .
وهل بيجينا يوم بعد أصالة الشماغ والعقال ودخول ثقافة السلسال نصيب للخلخال في رجل الرجال !!؟ الله يستر ..
قبل فترة قريبة من الزمن كنا نشاهد الأفلام الأجنبية ويلفت نظرنا بعض الممثلين اللي حاطين سلسال في رقبتهم فكان هذا الشي من الحاجات الغريبة بالنسبة لنا واحنا نتابع الفيلم وفي بعض الأحيان : نقول شف . شف الكافر الله يالله يقطع ابليسه لابسٍ سلسال مثل المرة ... طبعاً هذا الشي عن نفسي وعن كثير من الناس اللي أعرفهم ، هذا غير بعض المحافظين اللي يقوم ولا يتابع الفيلم بسبب الممثل اللي حاط سلسال برقبته ، وفي الواقع ان الشعور هذا ما جانا من فراغ وانما بسبب تربيتنا على العادات والتقاليد المتحفظة النابعة من تعاليم ديننا الحنيف .
المشكلة الآن ماصارت بالأفلام عند الغرب المشكلة صارت عندنا وبدت تنتشر بمجتمعنا بشكل ملفت للنظر .. وهذا بسبب الممثلين الخليجيين اللي طابين بسالفة السلسال بشكل مبتذل ولو إن الدور اللي يمثله ما يحتاج سلسال يعني بالعربي صار السلسال مثل العقال وشيء أساسي بالشخصية
شي اكيد إن الدراما تأثر بشكل ايجابي وسلبي وبهذي الثقافة اللي ظهرت علينا تفاجأت بشباب من أبناء الجزيرة والسلسال يبرق في رقابهم ..في الحقيقة أول ما شفتهم وأنا داخل أحد المجمعات التجارية بوسط الرياض تغير وجهي وبدافع الفضول قلت لنفسي خلني ادور عذر ووقفهم وأسألهم عن كوبري عتيقة ، أكيد إنهم يشبهون عيالنا بس ولا هم عرب أصلا !!؟ ناديت واحد منهم :أبو الشباب لو سمحت .. رد علي مرحبا أمرني .. استغربت !! من اللهجة وقلت لا تو اللهجة ما بينت معي وشفت ان كوبري عتيقة قريب وخفت يقول هذا كوبري عتيقة فكرت شوي وقلت أبا أسأله عن مكان أبعد : يعطيك العافية أبي توصف لي حي العزيزية . وما أمداني أخلص السؤال الا وقام يدهر ويقول : ( شف يالطيب بتظهر منا والى جاك مجمع الكباري فاطلع مع المخرج يسار وابتل الين يجيك النقل الجماعي على يمينك اهناك حي العزيزية ) .
ومن بعد ما خلص الوصف قلت في نفسي ياليتني ما سألته وياليتني حسبته أجنبي ودخلت اتقضى ..
وأول ما رجعت لبيتي أخذت الورقة والقلم وقلت خلني أكتب اللي حصل وأعرضه عليكم أخاف ان الدعوة بسيطة وانا اللي مكبر السالفة والا هذا الشي عادي عندكم ولا فيه مشكلة وانا ما تعودت عليه وعشان ما أدخل في التحليل والتحريم والمسائل الدينية أبي كل واحد اطلع على الموضوع يقول رأيه مع نفسه أو يناقشه مع اللي حوله ويشوف هذ الشي عادي والا لا .
وهل بيجينا يوم بعد أصالة الشماغ والعقال ودخول ثقافة السلسال نصيب للخلخال في رجل الرجال !!؟ الله يستر ..