اختكم في ورطه

[شراسة انثى]

من سنتين سمعت زميلاتي يتكلمن عن الاسهم وبعضن معها لاب توب شكله يجنن واطالع معهن في العمل (م)فضوليه المهم انقهرت والغيره فينا هلكتنا وشفت ارباح واكتتاب وذيك زوجها يوصيها من الصبح وذيك تتصل في مدري من ومدري من قلت يابنت وش فايده بكره يجي ابن الحلال ويطير بفلوسك حقوديه ادري عن نفسي
طيب رحت وشريت لاب توب 5200 هذا اول شي وبديت احمله معي في العمل وفرحااااااااانه
قلت لاخوي افتح لي محفظه مثل صاحباتي وراح المسكين فتح وقال ياخوك كم عندك قلت حول لي 70000 طل فيه تبققت عيونه قال باقي شي قلت لا خل الباقي بعدين اتاريه عيني عليه محتاج طنشت الاخت واشتريت في البحري وربحت 2000 ريال قال لي اخوي ابي 5000 سلف قلت يالله اختك متعلقه في الاسهم ليه ماقلت لي من قبل نسيت يوم قلت له خل الباقي بعدين
راحت الايام مره ربح ومره خساره عجبتني الحكايه مدري خسرانه والا ربحانه اسحب واح تلخبطت حساباتي يوم قالو خروج قلت يابنت لا مع الخوف دخول واح بالمحفظه راتبي
وكل شهر احط شوي شوي المهم بدت علوم اختكم غير جده غير اخوي طنش نسيته ونساني
مع اخلا الاحداث وهبوط السوق سالني وش الحال معك قلت زفت والحمدلله قال اخرجي بالباقي وعندي مشروع صغير عباره عن محل اجهزه جوال شاركيني بكم جهاز وارباحه لك مابي منك شيء قلت في نفسي اخوي متوهق يبي يضحك علي ...
طنشت والا يومك هذا وانا في السوق مادخل المحفظه يمكن يقارب 250000 توقعوا كم باقي .... حرام اقول والله حرام
ندمانه على اخوي ندمانه على نفسي ... ياريت تحطون قسم للاسهم وتساعدوني اكيد فيكم احد يدل طريق للخروج من الازمه وعشان نعرف نبيع ونصرف مابقى والا تنصحون اختكم وش السواة ..
بارك الله في من يساعدني وفيكم كلكم

[الحنوون]

الله يعينك والله كلا متوهقين لكن اشتري في
زين او بنك الانماء وانسيها لمدة سنة وانشاء الله تعوضيني
والا اذا مره خسرانه اطلعي من السوووق
الله يرجع لك خسايرك ويربحك أمين

[•.¸جَہرٍحِ آلمٍَہوٍٍدُهُہ¸.•]

الله يكون بعونك هذي الدنيا ربح وخساره

لاكن مثل ماقال المثل ابعد عن الشر وغنيله

[دلوعة الغربيه]

واعيني عليك واخيتي قالو كحلها عماها
وين اهل الخبره يساعدونا

[د.الهاجري]

المنتدى لايخلو من اصحاب الخبره في التحليل في الاسهم واسواقق المال
واولهم المدير العام استاذي صالح العمري ...اينه من هذا الموضوع ..عفوا !!
المهم لاتستعجلي اصبري سنتين على الاقل وربما تتعدل احوالك

[*السيف*]

طبعا لاتندمي على مافات فهذا مقدر ومكتوب ولوم النفس سمة طيبه فيك لكنك هذا قدرك
المهم في الامر :
اذا لازلتي داخل السوق ففي هذه الحاله الصبر حتى تنفرج الازمه وققد تحتاج الى اكثر من ثلاث سنوات
اما اذا تريدين الخروج فالخساره ولاشك كبيره جدا ؟
طبعا هناك طرق للخروج باقل الخسائر لكن تحتاجين الى شرح مفصل لايتسع له الجال هنا
ومحفظتك بحاجة لأن يديرها لك شخص متمرس ولديه خبره وتثقين فيه
فالخروج من ازمتك سهل باقل الخسائر مع قليل من المغامره واعتقد فهمتي قصدي لكن ليس الان تحتاجين هنا الى ثلاثة اشهر من الان لأتمام عملية التصفيه بطريقه احترافيه فيها شيء من المغامره القويه ؟

[ملكه بكبريائي]

والله اني قلت في نفسي وش الورطه
في الفلوس بسيطه ياوخيتي فكري في صحتك واصبري

[زهور في ضوء القمر]

رَاقَتْ لِيَ كُلْ الشُّكرْ لأَنآمِلِك..
لروٌحَك المليئة بالبًيآضَ جٌوريًة
تقديري لكـ.
. http://vb.arabseyes.com/uploaded/101830_1212527565.gif